كيفاش جيت لدبي … تجربة جزائرية في دبي

تجربة جزائرية في دبي

التخطيط للسفر إلى دبي
لكل إنسان فالغربة عندو حكاية مكاش إنسان رقد وناض لقى روحو فالغربة
أنا انسانة قريت وكملت قرايتي فالجامعة درت التخصص إعلام حبيتو بزاف بعد التخرج تاعي كانت عندي احلام بزاف نخدم في قناة فالجزائر معروفة وندير إسم من بعد نقصت في سقف توقعاتي قلت معليش غير نلقى خدمة عند الدولة ندي الشهرية برك ومع ذلك مكاش عييت نحوس ونجري الله غالب ربي ما وفقنيش
دخلذت لليوتوب نشوف عن الهجرة و واش أحسن وأسهل وجهة بالنسبة لينا حنا الجزائريين لقيت الناس تقول دبي مليحة والفيزا تاعها ساهلة
تخرج في 48 ساعة برك قلت نزيد نشوف، هدرت مع العائلة تاعي قالولي غير اخطيك ودوك تلقاي خدمة والغربة واعرة وخصوصا كي قلتلهم دبي قالولي دبي كاين الجديدة وكاين دبي القديمة، المهم أنا درت الهجرة في راسي وبالتحديد دبي
من شروط العمل اللغة الإنجليزية و أنا اللغة تاعي الصراحة ماكان ماكان ،طلعت أبليكاسيون و بديت نتعلم منها بصح المشكل ما لقيتكش مع شكون نطبقها بصح كامل هاذاك الشي قلت نتعلم الأمور الباينة لي نقدر نسلك راسي كي نكون تماك قبل ما ندير الفيزا قلت نوثق الشهادات تاعي بيسك علابالي الإدارات توعنا شحال يديرو روطار خفت اذا شهرين يخلاصو توع الفيزا و اوراقي توعي ما نكملش نوجدهم ،كيما كان الحال وجدت أموري
ايه و قبل ما نجي شهرين خدمتهم في مطعم تركي لميت حق الفيزا باش نديرها
نشفى نهار الأول رحت سقسيت و النهار الدوزيام تكلت على ربي وقتلو ابدالي فالاجراءات
المهم كي الفيزا تاعي خرجت بديت نحوس على السكن و أنا مازالني فالجزائر لقيت في دار تاع وحدة مغربية تفاهمت معاها قاتلي ما تجيبي والو غير حوايجم كاين ماعن كاين فراش
المهم عطيتلها نهار لي نجي فيه و قاتلي ماشي مشكل كي تلحقي للمطار عيطيلي
بعتتلي الموقع تاع السكن
أنا دخلت ليه شفتو كيفاش و الميترو شحال قريب ليه المهم أنا قبل ما نجي شفت كلشي كيفاش
الحمد لله لهاذي الدقيقة كلشي نورمال عندي
أنا فالأول ماكنتش نعرف بلي كاين جزايري وسمو جمال يدير فيديوات بخصوص السفر و الاستقرار في الإمارات حتى وحدة قاتلي ادخلي و تبعيه واش يقول راه ماشي يهدر باش يهدر يوجه ولاد بلادو و يعطيهم الصحيح
أنا هنا بديت نتبعو و نشوف الفيديوهات تاعو الصراحة درت كيما قال سيرتو مع الاول التصريف و الأماكن المليحة لي يمدولك سومة مليحة و ماشي من الاول تصرف روح لشحال من مكان و سقسي
و حتى على الكراء يعني صح اديت من عندو معلومات كون تخلص دراهم ما يقولوهملكش ربي يحفظو و يجازيه على كل حاجة راه يديرها و يفيد بيها الناس
https://www.youtube.com/@djamel8 أنا ضرك وليت ننصح الناس بالتعامل مع جمال و لي يحب يستفسر يدخل للقناة تاعو على اليوتيب